الاعلامية وعضو الجبهة السيادية سامية خداج عبر منصة x
هيدي بقعة منكوبة منهوبة طايفة بالمحاصصة والصفقات، بالفاسدين بالمهروقين بالمايعين والدلّوعات، بمافيا المال والسلطة والدعارة والتشبيح والكذب والتكاذب، بالفن الهابط والقلم المأجور والصوت اللي عموجة الدولار، بمواطن مش مواطن مجرد انسان بمهمة يشهق نفس ليعيش الزعيم مش حبا بالزعيم بس نكاية وحرتقة وتلاعب بتاني زعيم، بتعليم التفرقة وقضاء عالانسان وزراعة حقد وصناعة جبهات وداخلية حصص وخارجية مصالح وثقافة موت للحلم للمستقبل للطفولة للذكريات للهوية اللبنانية…اللبنانية…اللي العالم دفعت ثمن وشرف حملها واللبناني من شعب واحد قسّموه وضربوه وطرحوه وهجروه وما جمعوه الا بحرب وتفجير واغتيال وعفى الله وكاسك يا وطن الحرية اللي محكمتك صارت عسكرية وعدالتك صارت موتسيك وشعار وزمور وعجقة منابر وميكروفونات وتسويق وترويج وتهريج!
هيدي بقعة منكوبة بدا “شطف وتعزيل”، ولجنة اطباء نفسيين لعلاج المنكوبات والمنكوبين…
هيدي مش جمهورية ناقصها رئيس….🇱🇧
#بكل_صراحة_ووقاحة
#فكري_بفكرة #بقلمي✍️
#لبنان #بيروت
