وقال المحامي عماد المطران المعروف بنقده الواسع في زحلة ما يلي ميشال_ضاهر​ ​ ​ إسم ظَهَر فجأة
يِمكِن بالاول ما ستَوعبتَك تغُط عزحلة وتُطمَح تمَثِّلا بالسياسة وتحِل مكان ناس زَرَعوا الكتير وحصَدوا القليل…
هاجمتك بِبَعض المَحَطات وطُلِع من عقلي مَطرَح ما كان قلبي عم يُنبُض شَغَف البقاء والاستمرارية…
بَس لا شَك !! إنو شخصيتَك ضلِّت جاذبتني وشِغلَك عالارض كان الحِلم لكِنت بِتمَنَّاه يُصدُر من البيت التاني…
قِلت عنَّك فِزت خسران ، تاري تصَدَّرت الرِّبح بأحادية

دَخلت السياسة ، داعِم عهد كِلنا حلِمنا فيه قُوِّة
وخَرَجت ، لمَّا شِفت آمال الناس رايْحَة عالخيبِة
ومع الثَّورة !!! فهِمتا إنَّا لعبة تَفريقية دُولية سياسية
كِنت الذَّكي، وحكيت الوَجَع وتصَرَّفت بضَمير وحِكمة
نَطَرت مِنَّك الاستقالة ، بس يِمكِن ضَل وجودَك ضروري

بتِحليلَك الاقتصادي وبْدِراساتَك النهضويِّة كِنت رَبَّا
وبعَمَلَك الاجتماعي وتَقديماتك الخيرية بَيَّنت سيدا
وِبأَربَع سنين زَرَعت وضلَّيت حاضِر تمثيل #زحلاوي
ما قَرَيت الاحزاب ولا نَطَرت منٌون النَّظرة الوصولية
يا ريت تنَين كواتلي متلَك يمَثلو #زحلة بالندوة البرلمانية

يِمكِن في زَحالنِة رح تُنصُدِم بكلامي وتِتِّهِمني عالعمياني​ ثِقَتي بوجداني بتُفرض عليي وَصِّف الامور مِتل ما هيي
صراحتي بِعلِنا وما بخاف ، والحقيقة بقولا بكِل شفافية
لا غاية بتِمتِلكني ، ولا أهداف أنانية مَزروعَة براسي !!!
أنا زحلاوي بِعتِذر وقت أُغلَط وبقول الجرأة بكِل ضميرية

​ ​ ​ ​ ​ ​ روح تعاب علايحة تجيب بدَل الحاصل حواصل
وتُحْفَظ​ #زحلة : إستقلالية وأمان ومنبر لجبران الخواطر