الريس: بهاك الليلة عالمسرح صليت

كتب د. جورج الريس على حسابه على الفيس بوك:

بهاك الليلة عالمسرح صلّيت…
وبهاك اللحظة ،خطفتني اللحظة…
حسيّت حالي قدام وطنّ مشلّع بدو صلا…
صلّيت…
حسيّت حالي قدام شعب متحسّر، متعثّر،مبعثر،ومتأثر…
صلّيت….
حسيّت حالي قدام الضياع بين الكرامة واللقمة…
صلّيت…
خفت لما سمعت صياح الديك، وارتعبت من النكران ،نكران وجود ” الله” لما بيرتعب الإنسان…
صلّيت…
بهاك الليلة عالمسرح ،حسيت بخفقة قلب مقاوم وبرعشة الإيمان، وكنت لابس جبّة الرهبان…
صلّيت…
وعشت دوري…
ما كنت عم بمثل الشعب ولا كنت عم بمثل عالشعب، كنت عم بمثل للشعب…
وبعدني أسير اللحظة يللي خطفتني بهاك الليلة عالمسرح…
هونيك عشت مقاومة وايمان… وبعدني هونيك…
جورج ريّس الريّس
#مقاومة_وايمان #اسياد_انفسنا #اسياد_وطن