الف تحية بهل يوم،
لكل معلم علم وبعدو معلم وماثر بحياة تلاميذو…
تحية لكل معلم بيعرف وبيآمن انو النجاج، هوي مش بالعلامات ،
إنما بالعلاقات الناجحة والنجاح بالحياة،
تحية لكل معلم ، آمن انو التعليم هو فن زرع الثقة بالنفس والتشجيع وعدم التوقف عند الغلط،
تحية لكل معلم ، آمن بتلميذ خلتو ظروف الحياة يتكسلن، ورجع ساعدو تيامن بحالو ، ويستجمع قدراتو، ليستطعم بطعم الحياة،
تحية لكل معلم، بدل ما يحط خط تحت الخطأ، بيحط دائرة حول الصح،
تحية لكل معلم ما خاف يطلع من المنهاج وعلم تلاميذو يواجهوا الصعوبات ويقطفوا نجاحات الحياة ،
تحية لكل معلم ما انزعج من ضحكة أو ثرثرة ، او تصرف غريب من تلميذ وعرف انو الإبداع هوي اوقات كتيرة سبب لهل تصرفات الطفولية الطبيعية،
تحية لكل معلم ، ما هاجر، لانو بالنسبة الو التعليم رسالة سامية،
الف والف تحية لكل معلم بعدو قادر يوصل على مدرستو رغم حكم السياسيين الفاسدين يللي عم يسعوا ليسكروا قدامهم طرقات الأمل والمعرفة…
ينعاد عليكم يا اشرف الشرفاء…
د.ريتا السلوى عطالله
