كتبت المديرة الدكتورة ريتا السلوى عطالله على صفحتها على الفايسبوك تحت عنوان:

مش بس فيروس الكورونا والكوليرا بيعدي ، وبيمرض، وبيدمرلك نشاطك وحيويتك وبخليك تنحجر بالبيت…

في فيروسات بعالمنا حاملها كتير أشخاص، اكتر خطورة على المدى الطويل ، وعم تدمرهم وتقضي عليهم، من دون ما يحسوا

ومن ابرز هيدي الفيروسات:
الحقد
الغيرة من نجاحك ومن محبة العالم الك
التشهير بسمعة الاخرين وبمركزهم
مراقبتك عبر السوشال ميديا والسعي للانتقاص من سمعتك النضيفة ومن كرامتك
بث الأخبار الكاذبة بحقك…..

لهودي الأشخاص المصابين بهيدا المرض ،
واللي ما بيسمعوا الا النشاز بالغنية الحلوة،
ولما يروحوا على البحر ما بيستمتعوا بجمالو بس بيشوفوا النفايات على اطرافو،
وما بيقشعوا الا النصف الفاضي من الكباية،

رح نصليلهم اليوم الأحد، لحتى ربنا يخفف من مرضهم المستعصي ويشملهم بشي عجيبة من عجايبو، لانو ما في ولا دوا بالصيدليات رح يشفي المهم ووضعهم…

الك يا رب منصلي

د.ريتا السلوى عطالله